Научете како да подготвите еден од најпопуларните намази во светот, а тоа е Баба Гануш.
Покрај хумусот и фалафелот, баба ганушот е еден од најпопуларните намази што ни доаѓа од Блискиот Исток. Се прави од модар патлиџан и маслиново масло, но можете да додадете и таан и зачини по желба. Можете да го јадете со чипс, да го намачкате на леб или топол леб… Бидејќи е направен од зеленчук, одличен е и за вегетаријанци.
Состојки:
- 2 печени модри патлиџани со средна големина
- 1/4 чаша таан
- 3 супени лажици сок од лимон
- 2 чешниња лук
- 2-3 лажици маслиново масло
Подготовка:
Модриот патлиџан исечете го на половина, па ставете го на плех обложен со хартија за печење и прелијте го со малку маслиново масло. Додадете сол и бибер и печете на 220 ° C околу 45-60 минути.
Извадете го месото од патлиџанот после печењето и ставете го во блендер со таан, сок од лимон, лук и маслиново масло. Кога смесата ќе стане кремаста, престанете да мешате. Се чува во фрижидер 30 минути за да се соединат вкусовите. Украсете со малку мелена пиперка.
Пријатно!