Згответе нешто поразлично и вкусно за ручек или вечера.
Потребни состојки:
- зеленчуци по ваш избор (пиперки, моркови, тиквички, печурки, карфиол, кромид)
- 2-3 чешниња лук
- 1 мала лажичка мелен ѓумбир
- 1-2 голема лажица соев сос
- 2-3 капки чили сос (тобаско)
- 1-2 големи лажици сусамово семе
- 1-2 големи лажици маслиново масло
- сусам по желба
- зачини по желба
Начин на подготовка:
Загрејте го сусамовото масло во тава за пржење (вог тава). Додадете лук, ѓумбир и сусам. Пржете ги заедно состојките додека лукчето не добие златинеста боја.
Сите зеленчуци насечете ги на тенки лентички и додадете ги во тавата. Поклопете ја тавата со капак и гответе ги на силен оган. Откако ќе омекнат зеленчуците додадете го соевиот сос и чилито. Зачинете по желба.
Зеленчуците треба да останат ’’ал денте’’, меки од надвор а внатре малку потврди, за да се зачуваат сопствените вкусови и арома.
Затоа не треба да се пржат долго, се готват кратко на силен оган, за да ја задржат посакуваната текстура како што нагласивме погоре. Потоа се сервираат во порции.
Се служи додека е топло.