Вкусни се за било која прилика. Можете да ги послужите за доручек, вечера или пак како мезе.
Состојки:
- 20 готови палачинки
- 3 варени јајца
- 100 гр шунка
- 4 кисели краставички
- брашно
- јајца
- сусам
ЗА СОС ТАРТАР:
- 100 гр мајонез
- 3 лажици кисела павлака
- 1 лажица сечкан магдонос
- 1 ситно рендана кисела краставица
Подготовка:
Палачинките направете ги најпрвин по рецепта која вие најчесто ги правите. Така спремени палачинките оставете ги настрана и започнете со подготовка на останатите состојки за овој рецепт.
Варените јајца, шунката и краставиците исечкајте ги на коцки и измешајте ги заедно. Земете од палачинките една и во средината ставете од смесата која ја добивте а потоа завиткајте ја палачинката како сарма. Направете така со остатокот од палачинките.
Во мешавина од брашно, јајца и сусам извалкајте ги палачинките а потоа пропржете ги во загреано масло. За тартар сосот измешајте ги сите состојки и убаво изладете го. Послужете ги палачинките со сосот.
Пријатно!