Некои парови едноставно имаат смисла, како што се тестенините и сирењето.
Има ли нешто што побрзо исчезнува од чинија со макарони и сирење? Најверојатно не. Но, ако класичната порција ја замените со фини мини грицки, ќе добиете уште поголемо задоволство од истиот вкус. Крцкави од горе, а меки и лепливи одвнатре, овие мини закуски ќе станат омилен избор на вашите малечки, а можете да ги послужите и како префинето предјадење.
Состојки:
- 450 гр тестенини
- 3 лажици путер
- 1 црвен кромид
- 2 чешниња лук
- ¼ чаши брашно
- 2 и пол чаши млеко
- сол и бибер
- 2 шолји рендано бело чедар сирење
- 2 шолји рендано жолто чедар сирење
Подготовка:
Загрејте ја рерната на 250 степени. Два калапи за мафини премачкајте ги со спреј против лепење или премачкајте ги со маргарин. Во поголемо тенџере сипете вода, посолете и оставете да зоврие. Додадете макарони и варете според упатствата. Кога е готово, исцедете ги и оставете ги на страна.
Во голема тава растопете го путерот на средна температура, па додадете го црвениот кромид. Динстајте додека не замириса. Потоа додадете го лукот и динстајте уште една минута. Посипете го брашното врз кромидот и динстајте уште 2 минути, мешајќи. Додадете млеко и изматете. Оставете ја смесата да зоврие на средна топлина, а потоа зачинете со бибер и сол.
Тргнете го од оган, и додадете го белиот чедар и половина од жолтото сирење. Мешајте додека не се растопи сирењето. Сварените макарони измешајте ги во подготвениот сос.
Со лажица истурете ја смесата од макароните и сирењето во калапите за мафините. Над секој залак посипете малку жолто чедар сирење и ставете го во рерна. Печете додека не се растопи кашкавалот и не поруменат, околу 15 минути. По печењето се оставаат да се изладат околу 10 минути, па се вадат од калапот.
Пријатно!