Крцкавите пржени топчиња од компир се лесни за подготовка, ќе ги обожава целото семејство, а имаме и предлог за послужување!
Топчињата од компир се вистинско уживање за грицкање! Можете да ги послужите како прилог со малку месо, но овој рецепт можете да го подготвите и кога сакате нешто солено, крцкаво и вкусно. Се пржат на масло затоа не се многу здрави за секој ден, но доколку ги подготвувате повремено, можете да уживате во нив без страв дека ќе се одразат на обемот на половината или здравјето.
Во овие топчиња влегуваат и ароматични адитиви, за да бидат уште повкусни, а еве како се подготвуваат!
Состојки:
- 1 кг компир
- 2 чешниња лук
- 1 лажица сол
- 1/2 лажичка суво оригано
- 1 лажица брашно
- малку бибер
Подготовка:
Излупете ги и измијте ги компирите, а потоа земете ренде и изрендајте ги на најситното ренде. Ренданите компири мора да бидат суви, па веднаш ставете ги во чиста крпа, добро исцедете ги и оставете да се исцедат. По потреба, ренданите компири исушете ги уште малку со хартиена крпа.
Во поголем сад на компирот додајте ги сите останати состојки, зачините, ситно сечканиот лук и брашното. Со раце формирајте топчиња, но внимавајте, мора многу добро да исцедите за да не се распаднат при пржење! Оставете ги во фрижидер додека го загревате маслото во подлабоко тавче.
Пржете ги топчињата на средна топлина додека убаво не поруменат, исцедете ги на кујнска крпа и послужете ги додека се топли. Највкусно ќе биде со кечап или домашен сос за скара за потопување!
Пријатно!