Многу е вкусно и после јадење нема да ве вознемирува тежина во стомакот.
Рецепт бр.1
Состојки:
- 6 еднакви лажици густин
- 24 лажици вода
- 3 лажички сенф
- 9 лажици масло
- сок од 1/2 лимон
- бибер
- сол
Подготовка:
Измешајте 6 еднакви лажици густин добро со 24 лажици вода за да ја разбиете секоја грутка. Гответе да се згусне. Кога масата ќе се олади, додадете 3 лажички сенф прво, мешајќи постојано со миксер. Потоа додадете 9 лажици масло една по една. На крај истурете сок од 1/2 лимон.
Мешајте за да биде се компактно. Додадете сол и бибер по вкус. Оставете да стои на студено, најмалку 1 час пред сервирање или користете го при подготовка на други посни оброци.
Рецепт бр. 2
Состојки:
- 200 мл незасладено млеко од соја
- 300 мл масло
- лажичка сок од лимон
- 2 лажички јаболков оцет
- лажичка сенф
- сол по вкус
Подготовка:
Полека промешајте го соиното млеко и лесно додајте 150 мл масло. Кога млекото и маслото се совршено комбинирани, повторно додадете лесно јаболков оцет. Потоа истурете сок од лимон и малку сол, и продолжете да мешате уште една минута или две.
Сега додадете сенф и остатокот од маслото. Мешајте додека не добиете кремаста маса.
Рецепт бр. 3
Состојки:
- 2 компири
- лажичка сенф
- сок од лимон
- лажица бело вино
- 200 мл масло
- сол
- бибер по вкус
Подготовка:
Варете го компирот, изладете го, излупете го и процедете го. Додадете сенф, бибер, сок од лимон и сол, и се добро измешајте. Додадете еден децилитар вода, промешајте и започнете нежно да мешате со миксер. Додадете го маслото полека. Кога ќе добиете густ сос, истурете лажица бело вино и промешајте.