Еден сосема нов рецепт, како без рерна, без печење да направите погача од само неколку состојки кои секогаш ги имате во кујна. Необично е тоа што се подготвува во тава, на оган, но верувајте перфектна е.
Состојки:
- 300 мл. млака вода
- 1 лажичка шеќер
- 5 гр. сув квасец
- 450 гр. меко брашно
- 1 лажичка сол
- 4 лажички масло
Подготовка:
Најпрво во вода измешајте ги шеќерот и квасецот. Во длабок сад ставете го брашото и додадете сол и измешајте. Додадете ја мешавината од вода, шеќер и квасец, сето тоа добро измешајте го со лажица.
Кога малку ќе се згусти смесата, тогаш замесете го тестото. Тестото треба да биде меко и малку лепливо за раце.
Потоа се додаваат 2 лажици масло и повторно се премесува тестото и се остава да отстои околу 1 час да нарасне.
Во тава, во која ќе се готви погачата, ставете една лажица масло. Најдобро е да користите тефлонска тава. Преместете го тестото во тава, притискајќи го одозгора со рака за да се порамни. Поклопете со капак и оставете 20 минути да отстои така.
Потоа ставете ја тавата на оган и гответе околу 15 минути, со поклопен капак. А после напалете го оганот на средна јачина и гответе уште 10 минути.
Погачата треба да се превртува од двете странни, за убаво да се зацрви. Затоа змете поголема чинија и премачкајте ја со масло, со неа поклопете ја тавата, а потоа превртете ја заедно со чинијата превртете ја. Погачата брзо вратете ја во тавата. Наклонете ја чинијата и претурете ја погачата во тава со подлизнување.
Поклопете со капак и оставете ја уште 10 минути, на среден оган.
После 10 минути извадете ја погачата од тава и оставете да се олади.
Пријатно јадење!