Еве го нашиот рецепт за реформ торта. Реформ торта е торта со јаткасти плодови и чоколадо.
Состојки:
за кората – се печат 4 кори:
- 4 белки
- 5 лажици шеќер
- 100 гр мелени ореви
- 1 лажица брашно
Состојки за филот:
- 16 жолчки
- 200 гр шеќер
- 200 гр шеќер во прав
- 250 гр маргарин
- 200 гр чоколадо
Подготовка:
Изматете ги белките, додадете шеќер, пак изматете. На крајот измешајте ги брашното и оревите. Печете 4 кори вака, на 180 степени во плех со димензии 30 x 22 цм, секоја околу 12-13 минути, во зависност од рерната или околу 15, одозгора треба да порумени.
Во садот во кој ќе го варите филот изматете ги жолчките со шеќерот, па ставете го во шерпата, а на дното истурете два прста вода и ставете го да се готви (на пареа). Кога водата во долната тава ќе зоврие, само намалете ја малку, за да не прска водата од тавата и продолжете со готвењето уште 15 минути.
Се трга од оган, се додава искршената чоколада и се остава филот да се излади. Пенестиот маргарин изматете го со шеќер во прав, потоа додадете го млакиот фил и изматете. Наполнете ја тортата со овој крем и украсете го по желба. Оставете ја тортата да отстои барем неколку часа и послужете.
Пријатно!