Може да ги приготвите за вечера, оброк или како мезе за празничната трпеза. Вкусните мали гнезда од мелено месо може да го задоволат сечиј вкус.
Потребни состојки:
- 2 кг мелено месо
- 6 јајца
- 200 гр кашкавал
Зачини за мелено месо:
- буковец
- црн пипер
- црвен пипер
- 1 јајце
- презла (лебни тропшки)
- лут црвен пипер (по желба)
- сол 20 гр
Начин на подготовка:
Ставете го меленото месо во сад зедно со сите наведени зачини, измешајте го добро и оставете го да отстои во фрижидер неколку часа. Земете тава и малку намастете ја со масло или ставете хартија за печење.
Формирајте од меленото месо топчиња со средна големина. Земете едно стаклено шише и подмачкајте го дното на стаклено шише со масло и притиснете го секое оформено топче мелено месо.
Местото за јајцето можете да го обликувате и со прсти, или пак со врвот од едно јајце притиснете го на средина топчето, скршете го јајцето и истурете го во вдлабнатината. Ставете ги да се печат на умерена температура.
Кога ќе се испечат, извадете ги и послужете ги со рендан кашкавал, вратете ги малку во рерна за да се стопи кашкавалот.