Посниот грав највкусен е ако се прави на овој начин.
Состојки:
- 700 грама бел грав
- Две главици кромид
- Два ловорови листа
- 100 милилитри масло
- 500 грама домати излупени
- Две лажици концентрат од домати
- Лажица бел оцет
- Шеќер
- Зачин, бибер
Подготовка:
Потопете го гравот во вода преку ноќ, а потоа процедете го и ставете го во голема шерпа со вода и два ловорови листа. Кога ќе зоврие, намалете го огнот на средно и оставете го да се крчка 45-60 минути, додека не омекне, но да не почне да се распаѓа.
Во меѓувреме, загрејте ја рерната на 175 степени, и исечете го кромидот на кругчиња. Измешајте ги излупените домати со концентрат од домати, оцет, вода, масло, половина лажица шеќер, сол и црн пипер. Ако сакате да биде зачинето, додадете малку лута пиперка.
Измешајте ги исцедениот грав и сос во подлабок сад за печење, ставете го на поширок плех за печење бидејќи може да истекува за време на печењето.
Потоа печете го во рерна околу еден час, додека не се карамелизира одозгора и испари околу половина од течноста.
Пријатно јадење!
