Подгответе еден прекрасен ручек за вашите најблиски, стар вкусен рецепт на кој никој неможе да остане рамнодушен.
Состојки:
- 1/2 кг мелено месо
- 1 јајце
- 3 главици кромид
- 2 лажици презла
- 1 кг свинска кртина
- 2 моркова
- 2 суви црвени пиперки
- 300 гр маринирани печурки
- 1 коцка говедска супа
- мелен црн бибер
- црвен пипер
- 1 лажица сенф
Подготовка:
Замесете ги меленото месо, посолено и зачинете по вкус и додадете 1 сецкан кромид, презла и јајце. Од добиената смеса формирајте ќофтиња со големина на орев.
Свинската кртина исечете ја на коцки.
Испечете ги ќофтињата и насечената свинска кртина на скара или испржете ги во тава убаво да заруменат. Двата кромида исечкајте ги на ситно и пржете додека да омекнат.
Додадете ги сечканите моркови и кога сè е убаво омекнато, додајте ги маринираните печурки и сечканите суви пиперки. Зачинете по вкус и додајте ловоров лист и една лажица сенф.
Во смесата додадете ги месото и ќофтињата и убаво мешајте. Додајте околу 700 мл вода, ставете една коцка говедска супа и едно лажиче црвен пипер. Оставете нека се динста 15-тина минути, па префрлете во земјена тава.
Печете на 200 степени околу два часа.
Пријатен апетит!
