Реклама
Раванијата е лесен десерт со шербет, што може да се сретне на менито во секој ресторан во југоисточна Македонија.
Потребни состојки:
За тесто:
Реклама
- 3 јајца
- 12 лажици шеќер
- 12 лажици мелени/сецкани ореви
- 12 лажици масло за јадење
- 12 лажици млеко
- 12 лажици гриз
- 12 лажици брашно
- 1 пециво
За шербет:
- 3 шољи вода
- 3 шољи шеќер
- 1 ванилин шеќер
- 1 лимон
Начин на подготовка:
Јајцата и шеќерот добро се матат со миксер. Се додава млекото и маслото за јадење и се мати уште малку.
Реклама
Потоа постепено се додаваат гризот, оревите, брашното и пецивото измешани заедно. Се мати додека смесата да се соедини.
Тестото се става во намрсен плех бр.28 и се пече околу 25 минути на темпетарура од 180 степени.
Шербетот се прави така што се ставаат водата и шеќерот во тенџере и се вари додека да зоврие. На крај се додава ванилиниот шеќер и малку сок од лимон.
- Advertisement -
Изладената и исечена на коцки раванлија се прелива со топол шербет.
Пријатен апетит!