Направете вкусен ручек за денешната трпеза, изненадете ги блиските со редени компири, од фурна. Помешани со сланина и облиени во слатка павлака и малку кашкавал. Превкусно…
Состојки:
- 5 – 6 средни компира
- 250 мл слатка павлака хопла
- 200 гр рендан кашкавал
- 2 чешниња лук
- 125 гр сечкана сланина или шунка
- 1 мал кромид исечкан на тенки листови
- 4 лажици кисела павлака
- 200 гр. пармезан
- црн пипер
- сол
- маслиново масло
Подготовка:
Компирите се мијат убаво под силен млаз на вода. Се лупат и се сечат на кругови со дебелина од околу 5мм. Се зачинуваат со сол и бибер по вкус и се наросуваат со малку маслиново масло.
Кромидот се сече на тенки листови, а сланината на ситни мали коцки.
Потоа се редат компирите во тава за печење, која претходно е намастена со масло.
Се реди компир, па ред сечкана сланина и листови кромид, наизменично се продолжува. Одозгора се посипува со рендан кашкавал и црн бибер.
Во помал сад измешајте ги слатката павлака и сечканиот лук. Залијте врз компирот и покријте со фолија или капак од тавата. Вака печете на 1 час во претходоно загреана печка на 180 степени целзиусови, додека да омекне компирот.
Отстранете ја фолијата и продолжете да печете уште 15-20 минути додека кашкавалот и компирите се зацрвенат.
Готовите компири оставете ги настрана да “одморат” 15 минути пред служење.
