Лутеница која е едноставно неодолива!
Зимската сезона кај нас не може да се замисли без црвени пиперки и ајвар! А многу гурмани ја обожаваат лутеницата која има посебен вкус! Иако овде се подготвува на најразлични начини, овој рецепт е феноменален прилог со секој оброк!
Состојки:
- 2 кг црвени пиперки
- 1 главица лук
- 4 лути пиперки
- 250 мл масло
- 250 мл вода
- 1 лажичка сол
- 70 гр шеќер
- 2 лажици оцет
Подготовка:
Исчистете ги пиперките од семките, па исечете ги на дебели стапчиња. Во плех за печење ставете алуминиумска фолија која сте ја намачкале со масло. Наредете ги пиперките, покријте ги со уште едно парче фолија и печете на 200 степени околу половина час.
Лутите пиперки исто така испечете ги но не ги отстранувајте семките од лутите пиперки, само извадете ги стеблата и исечете ги на помали парчиња. Исечкајте ги заедно со исчистениот лук и се сомелете што е можно поситно.
Добиената смеса од лук и лути пиперчиња префрлете ја во тавче, прелијте со масло, вода, сол и шеќер. Сè добро измешајте, па гответе на умерен оган со постојано мешање. Кога ќе почне да врие, тргнете го од оган, истурете го оцетот и сè заедно динстајте околу 5 минути.
Кога ќе се испече пиперката од рерна, наредете ја во тегла, па истурете ја смесата од тавата до врвот. Затворете го капакот, па свртете ја теглата наопаку и оставете ја така додека не се излади. Лутеницата чувајте ја на темно и ладно место, а по отворањето чувајте ја во фрижидер.
Пријатно!
