Сигурно секој јадел вакво јадење барем еднаш во животот. Неговиот вкус и мирис ќе ве вратат во минатото.
Состојки :
- 1 кг брашно
- 9 јајца
- 1 коцка квасец
- 1 лажичка шеќер
- 1 чаша млеко
- малку млака вода
- 1 лажичка сол
- масло по потреба
- 1 кесичка пециво
Подготовка:
Во подлабок сад ставете го брашното и во него ставете малку сол, 1 коцка квасец, малку млеко, малку шеќер и малку масло. Постепено се додава млака вода и се замесува тесто.
Откако тетстото добро ќе се измеси се остава да отстои 15-тина минути. Откако ќе отстои од тестото се одвојуваат седум топки. Од четири топки се сукаат помали кори и се премачкуваат со масло. Корите се ставаат една врз друга и од нив се сука поголема кора.
Од останатите три топки се повторува истата постапка. Првата голема кора се става во тепсија премачкана со масло и се попрскува со масло. Втората голема кора се става врз првата и се попрскува со масло. Двете кори се печат во загреана рерна околу 15 минути на 250 степени.
Потоа се мешаат јајцата, пецивото и млекото и со таа смеса се полевааат корите. Сите состојки се печат дополнително уште 10 минути на 200 степени.
Пријатно!
