Медена пита – Старински десерт што ги освојува сите генерации со вкусот и мирисот

Вреди да се проба:

Оваа торта името го добила по медот што се става во корите, кој не преовладува, но и дава посебна арома.

Состојки за кората:

  • 1 јајце
  • 150 г шеќер
  • 3 лажици млеко
  • 3 лажици мед
  • 60 г маст
  • 450 г брашно
  • 1 лажичка сода бикарбона

Состојки за кремот:

  • 500 мл млеко
  • 5 лажици брашно
  • 180 г шеќер
  • 1 кесичка ванилин шеќер
  • 250 г путер

Состојки за чоколаден прелив:

  • 150 г чоколадо за готвење (минимално со 60% какао)
  • 150 мл павлака за шлаг

Подготовка на корите: 

За подготовка на кората најпрво во сад ставете брашно и сода бикарбона. Во посебен сад со миксер пенесто изматете јајца, шеќер и ванилин шеќер. Загрејте ја рерната на 160 степени Целзиусови

- Advertisement -

Ставете сад со подебело дно на среден оган. Истурете ги изматеното јајце и шеќер, па додајте маст и мед. Кога сите состојки ќе се загреат за околу две минути, намалете го оганот и додајте брашно. Мешајте додека смесата не ви стане хомогена.

Кога тестото ќе биде соединето, тргнете го садот од оган, но оставете го тестото во него. Тестото сукајте го топло.

Превртете наопаку плех за печење со димензии 35х22 см, па наросете го со брашно. Одвојте 1/3 од топлото тесто и расукајте го врз превртениот плех. Полека сукајте го тестото.

Печете го така расуканото тесто (на превртен плех- најмногу 7 минути, односно додека кората добие убава светло румена боја. Испечената кора ставете ја на хартија за печење да се олади.

Повторете ја истата постапка со преостанатите две кори.

Подготовка на кремот:

Додека корите се ладат, пригответе го кремот. Брашното ставете го во сад и постепено додавајте млеко. Мешајте за да не се создадат грутки.

Кога ќе го додадете сето млеко во брашното, ставете ја смесата на средно силен оган и цело време мешајте. За неколку минути смесата ќе биде готова, тргнете ја од оган и оставете ја да се олади. Путерот изматете го со шеќерот и ванилиниот шеќер, додека не добиете кремава смеса. Потоа во путерот и шеќерот, додајте го оладеното млеко и брашно.

Тргнете го на страна готовиот крем.

Подготовка на чоколадната глазура:

Издробете го чоколадото на помали коцки. Загрејте ја павлаката за шлаг речиси до вриење, но внимавајте да не зоврие. Сипете ја павлаката во чоколадото и внимателно мешајте додека глазурата стане компактна и соединета.

Оставете ја да се олади малку па прелејте го колачот со глазурата.

Приготвување на тортата:

Во плех за печење ставете ја првата кора. Половина од кремот рамномерно премачкајте го врз долната кора. На неа ставете ја втората кора, па внимателно притиснете за да се соедини сето тоа. Премачкајте ја со втората половина од кремот.

Ставете ја последната трета кора и неа притиснете ја со рацете.

Последната кора прелејте ја со глазурата.

Оладете го колачот и оставете го да отстои преку ноќ, а потоа исечете го.

- Advertisement -spot_img

Последни рецепти

- Advertisement -spot_img

Повеќе рецепти

- Advertisement -spot_img
error: Содржината е заклучена!