Кога сакаа да ja згуснат супата, гравот или некој сос, нашите мајки и баби правеа кремаста паста, мешавина од брашно со масло или маст и ја додаваа во јадењето, т.н. запршка.
Денес постојат поедноставни и поздрави алтернативи за згуснување на течните јадења „на лажица“, кои се полни со протеини.
Црвената леќа е најдобрата замена за нездравото пропржено брашно.
Тоа е малку сварлива мешунка која содржи околу 330 калории во 100 грама сува леќа и приближно 24 грама протеин од растително потекло.
Не е неопходно да се кисне со часови пред термичка обработка, како што е случајот со наутот или гравот, а потребни и се само околу 15 минути за да се свари.
Што треба да направите?
Исплакнете ја црвената леќа во ладна вода за да ги отстраните сите нечистотии и додајте ја во супа, грав или некој друг сос 15 до 20 минути пред крајот на готвењето.
За време на термичката обработка, леќата ќе впие добар дел од течноста во тенџерето и целосно ќе се распадне, така што нема да ја почуствувате во хранара, а со тоа ќе го згусне јадењето што го подготвувате.
Доколку не ви се допаѓа лушпестата текстура на зготвената леќа можете и да ја изблендирате додека не добиете кремаста или густа течност.
Колку леќа е потребно за да се згусне течното јадење?
Употребете 100 грама сува леќа на 500 милилитри до 1 литар течност како вода или булјон. Количината на леќата ќе варира во зависност од тоа што ќе ставите во супата или течноста и колку сакате да биде густа.
Леќата целосно ќе се распадне и нема да ја почувствувате во јадењето.
Извор: muskisvijet.com
