Рецепт за трилече кој ни го испрати наша читателка. Превкусно е, мора да го испробате!
(Рецептот го испрати Симона Илиевска)
Состојки:
- 6 јајца
- 300 гр шеќер
- 300 гр брашно
- 2 бр. пециво
За прелив:
- 500 мл. хопла (блага)
- 300 мл. кондензирано млеко
- 650 мл. млеко
- течен карамел прелив за трилече
Начин на подготовка:
Во длабок сад прво се матат јајцата заедно со шеќер, додека добиете убава пенеста смеса. Потоа постепено се додава брашното заедно со пецивото, со континуирано матење. Сите состојки убаво се матат со миксер, за да се добие една хомогена смеса.
Смесата се става во намаслен плех да се пече на температура од 180 степени, околу 20 минути.
Испечениот пандишпан се вади од плехот, се превртува наопаку и повторно го враќате во плех. Со чачкалица се прават дупчиња во пандишпанот.
Во посебен сад се мешаат трите видови млеко и рамномерно се прелива мешавината врз пандишпанот. Се остава кратко време колку да се впие вишокот течност.
На крај се премачкува со течен карамел за трилече и се сече на коцки.
На здравје!
Извор: Рецепт од Симона Илиевска
