Подгответе посна и вкусна чоко баклава, на чиј вкус никој нема да остане рамнодушен. Со овој рецепт, познатиот десерт, ќе добие сосема поинаков вкус.
Состојки:
- посни кори за баклава
- 100 г посна чоколада
- 100 г гриз
- 200 г ореви
- 250 г посен маргарин
- чоколада за готвење (за чоколаден прелив)
За шербет:
- 500 г шеќер
- 4 дл вода
- 3 ванилини шеќери
- сок од половина лимон
Подготовка:
Најпрво направете го преливот за баклава со шеќер, ванилин шеќер, вода и сок од лимон. По 3-4 минути варење тргнете го од оган и оставете го преливот да се олади.
Во чинија соединете ги мелените ореви, гризот, изренданото чоколадо и сето тоа измешајте го заедно.
Редете по 3 кори, една на друга, па свиткајте ги на половина, а на краевите ставете три лажици фил, потоа замотајте ги почнувајќи од страната на која се наоѓа филот и редете во плехот.
Наредете ги и исечете ги на еднакви делови, потоа прелијте ги со стопениот маргарин и печете 20 минути на 200 степени. Кога ќе добијат златникава боја извадете ги од рерна.
Прелијте ја со ладниот шербет врелата баклава така да да плива во шербетот, а подоцна ќе впие.
Стопете ја чоколадата за готвење и откако ќе се впие шербетот прелијте ја баклавата со стопеното чоколадо како прелив.
