Доколку постите и се воздржувате од месо, јајца, сирење, млеко, еве еден рецепт за вкусен посен ручек подготвен на вода.
Состојки:
- 1,5 л вода
- 2 главици кромид
- 3 страка млад кромид
- 1 компир
- 3 моркови
- 1 шолја соја трошки
- 3 чешниња лук
- 1 шолја ориз
- мелен црн бибер
- мелен црвен бибер
- сол
- мелено ленено семе
- 1 шолја доматно пире
- 1 свеж домат
Подготовка:
На тивок оган во шерпа загрејте 1 литар вода. Кога ќе проврие додадете 1 главица ситно сецкан кромид. Оставете 20 минути да се динста.
Додека кромидот се динста во друг сад сипете половина литар вода. Додадете 1 главица сецкан кромид, 1 страк млад кромид, 3 чешниња лук, сол, бибер, мелен црвен пипер и 1 шолја соини трошки.
Оставете да отстои околу 40 минути. Во динстаниот кромид додадете 1 компр и 3 моркови исецкани на ситни коцки. Гответе околу 20 минути на тивок оган.
Во шерпата со зготвениот зеленчук додадете ја сојата со сите состојки. Доколку за време на готвењето изврие водата, постепено долевајте од водата во која сојата била потопена. Додаете 1 шолја ориз и после 10 минути залијте ја смесата со 1 шолја доматно пире.
На крај додадете 1 ситно исецкан свеж домат и оставете да се соединат состојките, гответе околу 10 минути. Зачинете со сол, бибер и мелено ленено семе по желба.