Во вкусот доминира портокалот и веројатно оние кои не знаат од што е џемот, нема ни да претпостават дека е направен од тиква затоа што тој вкус се чувствува само малку во позадина.
Состојки:
- 1 кг излупена тиква
- 4 поголеми портокали
- 1 лимон
- 600 гр шеќер
- 2 стапчиња ванила
- 1 дцл вода
Подготовка:
Излупете тиква, и исечете ја на коцки. Исцедете ги портокалите. Изрендајте кора од лимон и исцедете го сокот.
Ставете ги тиквите во шерпа, исечете ја ванилата по должина и додајте ја на тиквите, додадете кора од лимон, шеќер и истурете сок од лимон и портокал. Додадете вода и оставете се да отстои 2 часа.
Ставете да се готви. Кога ќе почне да врие, намалете ја температурата и продолжете да готвите, мешајќи повремено. Кога тиквите ќе омекнат, извадете ги стапчињата од ванила, па изгмечете ги со миксер и вратете ја ванилата и продолжете да готвите.
Џемот е подготвен кога малку ќе капнете од него на ладна плоча, и се затегнува. Оригиналниот рецепт вели дека готвењето не трае повеќе од половина час до 40 минути но тоа зависи од тоа колку вода ослободува тиквата.
Кога џемот е подготвен, извадете ги мешунките од ванила, исечете ги и ставете ги во тегли. Истурете топол џем во врелите тегли. Затворете и оставете ги надвор да се оладат. Од оваа мерка, се добиваат 4 тегли од по 380 гр.
Добар апетит!
