Направете домашен џем од малини по проверен рецепт.
Сезоната на малини започна, па направете го овој прекрасен џем кој подоцна ќе можете да го искористите за намаз, но и за правење вкусни колачи. Работи и за оние со помало искуство, а ако сте од оние домаќинки кои сакаат да прават џемови во пролетните и летните денови и да ги оставаат за постудени денови, тогаш овој рецепт е идеален за вас.
Состојки:
- 3 кг малини
- 1 кг шеќер
- 2 кесички ванилин шеќер
Подготовка:
Измијте ги малините под тивок млаз вода и наредете ги на чаршав. Оставете ги кратко да се исушат. Истурете ги во подлабоко тавче, кое потоа ќе го ставите на рингла, поклопете и варете на тивок оган.
Од време на време кревајте го капакот и мешајте ги за да не изгорат. Мешајте додека целата течност не изврие. Потоа додадете шеќер и ванилин шеќер и сè заедно гответе уште 45 минути на тивок оган додека џемот малку да зоврие. Мешајте повремено.
Во тавата можете да истурете малку џем, оставете да отстои неколку минути и проверете дали ви одговара густината. Колку подолго готвите, толку погусто ќе добиете. Врелиот џем префрлете го во загреани и стерилизирани тегли и веднаш затворете го со капак.
Завиткајте ги во крпи и оставете да се изладат на собна температура. На овој начин можете да ги чувате неколку месеци на темно и ладно место, а откако ќе ја отворите теглата ставете ја во фрижидер.
