Одличен рецепт за домашен џем од кајсија. Идеалниот џем од кајсија е светло портокалова боја. Има интензивен мирис, сладок вкус а во исто време и кисел. Течен џем кој одлично се апсорбира во колачи.
Состојки:
- 2 кг кајсии
- 1 кг шеќер
- 10 гр лимонска киселина
Подготовка:
Измијте ги кајсиите, исечете ги на половина и извадете ги семките, но не ги лупете. Ставете ги кајсиите во тенџере со дебело дно и прелијте ги со шеќер. Вклучете го шпоретот на средна топлина. Мешајте го џемот исклучиво со дрвена лажица. Мешајте за да го распоредите шеќерот рамномерно над кајсиите.
Наскоро шеќерот ќе се стопи, а џемот ќе изгледа како портокалова супа во која лебдат половина од кајсиите. Додадете го лимонтусот и промешајте уште еднаш.
Почекајте да започне да врие и мешајте го џемот во следните 15 минути, нон стоп. Кајсиите ќе се распаднат по само пет минути. Внимание: додека врие, џемот прска. По истекот на времето, тргнете го тенџерето од оган и наполнете ги теглите кои претходно ги спремивте за џемот. Истурете го џемот во теглите.
Кога теглата е полна, цврсто завртете го капакот и веднаш свртете го наопаку – со капакот завртени надоле. Теглите оставете ги да отстојат околу еден час, додека не се оладат малку. Потоа избришете ги и пронајдете им убаво место во подрумот или оставата.
Пријатно!
