Ќофтиња полнети со моцарела ќе станат вашето омилено јадење.
Меки и сочни ќофтиња наполнети со сирење од моцарела што тече кога се сече ќофтињата се идеален предлог за семеен ручек. Вашите деца едноставно ќе го обожаваат ова јадење, а доколку го послужите со нивните омилени шпагети, сигурно ќе изедат се од чинијата. Ако сакате, можете да ги подготвите во сос од домати или со пире и сигурно ќе ги правите постојано.
Состојки:
- 450 гр мелено месо
- 1 кромид
- 1 јајце
- 2 супени лажици маслиново масло
- 150 гр презла
- 2 чешниња лук
- 150 гр моцарела
- малку свеж магдонос
- сол, бибер
Подготовка:
Во поголем сад измешајте мелено месо со ситно исечканиот кромид, додадете јајце и презла, зачинете сè, додадете ситно сечкан магдонос, па добро измешајте ги состојките за да се соединат добро.
Со рацете одвојте помали парчиња месо во чија средина ќе ставите парче моцарела, а потоа со дланките обликувајте ги ќофтињата. Погрижете се сирењето да биде добро покриено со месо, за да не истече при пржење.
Постапката ја повторувате додека не го потрошите целиот материјал. Во тава загрејте малку маслиново масло, па пржете ги ќофтињата по 5-6 минути од секоја страна, додека не добијат златна, крцкава кора. Наредете ги на салфетка да се исцеди вишокот масло и послужете ги додека се уште топли. Како додаток на ќофтињата можете да спремите шпагети.
Пријатно!
Извор: Прашање на вкус