Еден од најбараните рецепти на интернет, не ги пропуштајте ќофтињата печени во рерна!
Ќофтиња од месо, сместени во смеса од компири, само треба да ги пробате! Овој специјалитет досега има над 21 милион прегледи на YouTube и еден од најбараните рецепти на Интернет. Потребно е малку подолго да се подготви, но гарантираме дека ќе се исплати!
Состојки за Ќофтиња:
- 150 гр свежа зелка
- 50 гр мелено говедско месо
- 2 чешниња лук
- 1 кромид
- 50 гр брашно
- 8 гр сол
- 1 лажица зачини (бибер, ким, пиперка, мајчина душица)
- 2 лажици свежо сечкан магдонос
- 30 мл масло
- 2 јајца
Фил:
- 5 компири
- 50 гр чедар сирење
- 30 мл млеко
- 4 гр сол
- 1 лажица сечкано нане
- 1 лажица босилек
Прелив:
- 60 гр доматно пире
- 3 дцл зовриена вода
- 100 гр чедар сирење
- малку сечкан свеж магдонос
Подготовка:
Добро измијте ги компирите со лушпите, па ставете ги во врела вода и варете додека не омекнат. Исечете ја зелката на најтенки ленти, а потоа измешајте ја со мелено месо и изрендан лук. Додадете сечкан кромид и брашно, а потоа зачините.
Додадете масло и убаво измесете да добиете компактна смеса. Додадете јајца и промешајте уште еднаш. Покријте го огноотпорниот сад со алуминиумска фолија и масло. Со рака вадете поголеми парчиња од смесата, па обликувајте топчиња и наредете ги на плех. Направете вдлабнатина во средината на секое парче месо со рацете. Се пече во загреана рерна на 220 степени околу 30-35 минути.
Сварените компири добро изгмечете ги, па додајте чедар сирење, млеко и зачини. Се замесува убаво да се добие компактна смеса, па се вади со рака и се обликуваат топчиња, како кај месото. Ставете ги топчињата од компири во вдлабнатините на месото.
Измешајте го доматното пире во вода и прелијте ги ќофтињата со компири. Посипете рендан чедар и печете во загреана рерна на 220 степени C околу половина час. Кога е готово, посипете со сечкан магдонос.
Пријатно!