Направете сосема различни ќофтиња од готово лиснато тесто и мелено месо.
Често правите ќофтиња во сос од домати или печени во рерна во бел сос, а сега пробајте да ги направите во лиснато тесто. Од состојките кои најмногу ги имате во шпајз, направете ќофтиња кои ќе ги ставите во тестото, а потоа посипете ги со сирење. Кога ќе се испече се добива крцкаво тесто, па се сече и има меко месо и сирење што се топи. Комбинација на која често ќе се навраќате откако ќе ја пробате.
Состојки:
- 300 гр лиснато тесто
- 25 мл сос од домати
- 250 гр мелено месо
- 1 кромид
- 2 јајца
- 25 гр презла
- 50 гр тврдо сирење/кашкавал
Подготовка:
Во меленото месо додајте презла, сол, бибер, 1 јајце и исечканиот кромид. Сето тоа убаво комбинирајте го. Намачкајте ги рацете со масло и направете ќофтиња.
Лиснатото тесто развлечете го, па со набрашнета чаша направете кружни форми. Потоа земете помала чаша и притиснете ја помалата во неколку кругови, треба да добиете форма на прстен. Обложете го листот за печење со хартија за печење, а потоа наредете полни кругови тесто.
Се премачкува со изматено јајце, па се става прстен од тесто, се премачкува со јајце, па се става уште еден прстен. Истурете една лажичка доматен сос внатре, потоа ставете ги.
Се наредете така, па премачкајте го тестото со јајце и врз месото ставете рендано сирење или кашкавал. Печете на 180 ° C околу 25 минути.
Пријатно!
