Лесно и вкусно!
Ако никогаш не сте се обиделе да подготвите пилешко на овој начин, ова е идеална можност! Веруваме дека ќе го вклучите во листата на омилени јадења, веднаш по првиот вкус!
Состојки:
- 250 гр јуфки
- 600 гр бело пилешко месо
- 500 мл неутрална павлака
- 100-150 мл кисела павлака
- 300 гр сирење Трапист
- 200 гр кашкавал
- по вкус сол и бибер
- 1 коцка пилешка за супа
- 500 мл вода
- малку свеж власец
Подготовка:
Месото исечкано на коцки го пржиме во мешавина од путер и масло додека не ја смени бојата, лесно зачинуваме и го ставаме на топла чинија. Во топла вода растопете ја коцката за супа, искршете ги јуфките и прелијте ги со супата. Повремено вртете ги, а кога малку ќе омекнат исцедете ја течноста.
Во тавата во која се пржеше месото се истураат двата вида павлака, се зачинува и се меша. На дното на плехот кој го спремивте за печење, подмачкан со масло, се ставаат ред јуфки, две-три лажички павлака, рендано сирење и месо.
Потоа повторете ја постапката со редење, додека има материјал, со тоа што последниот слој е јуфки кои ќе ги премачкате со павлаката и ќе ги посипете со рендан кашкавал. Покријте со фолија за печење и печете околу 20-30 минути на 180 степени. Кон крајот извадете ја фолијата и оставете убаво да се растопи кашкавалот и да порумени. Малку изладете, па послужете.
Пријатно!
