Најубавите домашни ѓевреци што сте ги пробале!
Во продолжение погледнете го рецептот за полнети ѓевреци со мелено месо.
Состојки:
За тестото:
- 200 мл млако млеко
- 1 лажичка сол
- 1 лажичка шеќер
- 1 лажичка сув квасец
- 1 и пол лажица масло
- 1 јајце
- 450 гр брашно
За филот:
- 400 гр мелено месо
- 2 средни глави кромид
- сол, бибер, ким
За премачкување:
- 1 јајце
- сусам
Подготовка:
Во сад ставете го млекото, солта, шеќерот, квасецот, маслото и јајцето и измешајте. Додадете го брашното и мешајте додека убаво не се соедини. Кога тестото ќе се соедини, месете го со раце додека не стане мазно. Покријте со фолија и оставете да нарасне 1 час.
За да ја подготвите смесата со месо, измешајте го меленото месо со исечканиот кромид, сол, бибер и ким.
Откако ќе истече времето, тестото поделете го на 6 еднакви делови и формирајте топчиња. Секое топче развлечете го и со прстот направете дупка во средината. Наредете го месото врз тестото формирајќи прстен. Затворете го секој прстен со притискање со прстите. Префрлете ги прстените во плех обложен со хартија за печење и секој прстен премачкајте го со јајца. Посипете ги со сусам и печете во рерна загреана на 180°C 30 минути.
Пријатно!
Извор: Прашање на вкус
