Месна штрудла можете да ја послужите како предјадење или главно јадење.
Месната штрудла е јадење од мелено месо кое се меша со разни зачини, се прави леб или ролат, а потоа се пече. Американците обожаваат да го јадат. Кога ќе се испече, се прелива со необичен сос, а се служи за ручек, вечера или празнично предјадење.
Состојки:
- 170 гр кубети со вкус на лук
- 1/2 лажичка бибер
- 1/2 лажичка кајен пипер
- 1 лажичка мелено чили
- 1 лажичка сува мајчина душица
- 1/2 кромид
- 1 морков
- 3 цели чешниња лук
- 1/2 лажичка црвен пипер
- 1 кг мелено месо
- 1,5 лажичка сол
- 1 јајце
За прелив:
- 1/2 чаша кечап
- 1 лажичка мелен ким
- малку Ворчестер сос
- малку лут табаско сос
- 1 лажица мед
Подготовка:
Во блендер ставете кубети, бибер, кајен пипер, чили и мајчина душица и убаво измешајте. Истурете во сад, а потоа во блендерот додајте исечкан кромид, морков, бибер и лук. Повторно добро измешајте и додадете ги во садот каде што се кубетите.
Додадете мелено месо и сол. Додадете го јајцето и добро измешајте со рацете. Смесата со меленото месо ставете ја во тесен правоаголен сад и добро притиснете. Сега ставете хартија за печење на плех, а потоа свртете го садот со месото наопаку и ставете го на плехот.
Во средината на плехот треба да остане само правоаголна смеса од месо. Се пече во загреана рерна на 170°C, околу 45 минути. Измешајте кечап, ким, ворчестер сос и табаско сосот, како и медот, а кон крајот на печењето премачкајте ја штрудлата од месо, околу 10-15 минути пред крајот.
Пријатно!
