Вкусните домашни колачи и домашен леб се задоволство за сечиј вкус, а подготовката на тестото е најбитниот момент.
Месењето со тесто делува терапевтски, нè тера да се опуштиме и да дадеме се од себе и да уживаме во задоволството да создадеме прекрасни тестенини.
За да се направи класично леб, потребно е брашно, квасец, вода, сол и шеќер.
За да го нараснеме тестото, треба да го активираме квасецот.
Овој процес се постигнува со загревање на водата на околу 37 степени и растворање на квасецот, заедно со една до две лажици шеќер, бидејќи квасецот се активира побрзо во присуство на шеќер.
По околу 20 минути, квасецот е веќе активиран и се нараснува кон тесто.
Првично, состојките можат да се мешаат со лажица, но на крај тестото секогаш завршува со месење со рака.
Потребни се 10-15 минути месење за да го активирате глутенот во тестото и да го направите меко и еластичено, така што ќе може лесно да се работи тестото подоцна.
Најдобро е тестото да го држите со едната рака и нежно да го повлечете напред со другата, а потоа преклопете го и повлечете го повторно.
Бидејќи месењето со рака иако е пријатна активност е доста макотрпно, може да се замени со ”тепање” на тестото!
За да се скрати времето за месење, се применува трик наречен ”тепање” на тесто. Знаеме дека звучи смешно, но верувајте навистина дејствува врз тестото и има извонреден резултат.
Тестото се крева на висина над главата и се пушта на масата за месење.
Ова се повторува сто пати!
Со повторување повеќе пати на оваа постапка, на овој начин глутенот се активира и тестото побрзо е готово.
За пократко време и со помалку напор тестото станува мазно и еластично. А кога ќе го испечете е пуфкасто и многу меко.
Покрај тоа предолгото месење со рака може да предизвика тестото да стане тврдо и наместо да се надуе, лебот ќе остане рамен.
Ризикот од премногу месење е релативно помал ако го “тепате” тестото.
