Шпанскиот ветер со децении е омилена торта за сите прослави.
Шпанскиот ветер е еден од класиците, се подготвува долги години и поради тоа трпи промени во составот, но не трпи по вкус. Некои дури го нарекуваат и јапонски ветер, но како и да го наречете, оваа торта со децении е едно од најпопуларните слатки. Со слатката павлака, оваа кремаста торта е уште посочна, па доколку досега не сте ја пробале оваа верзија од него, вистинско време е и сигурно нема да зажалите.
Состојки за кора:
- 12 белки
- 18 лажици шеќер
- 18 лажици сечкани ореви
- 4 лажици мелени бисквити
За фил:
- 12 жолчки
- 12 лажици шеќер
- 2 пудинзи од ванила
- 600 мл млеко
- 250 гр маргарин
- 250 гр мелени ореви
- 500 мл слатка павлака
За декорација:
- 1 кесичка шлаг од ванилa
- чаша шеќер
Подготовка:
Белките и шеќерот изматете ги со миксер додека не се стегнат, измешајте ги оревите и бисквитите, па смесата поделете ја на три дела и испечете три кори. Корите ги печеме поединечно во кружен калап, во рерна загреана на 180 степени.
За филот ставете го млекото да зоврие, па во врелото млеко додајте ги жолчките кои ги одвоивте од белките, шеќерот и пудингот. Гответе го кремот на тивок оган со постојано мешање за да не се формираат грутчиња. Кремот е готов кога ќе го повлечете шпоретот по дното на шерпата и ќе остане трага. Кога кремот ќе се олади, додадете го изматениот путер и мелените ореви.
Посебно изматете ја слатката павлака. Секоја кора наполнете ја прво со жолт крем, па со шлаг, во шерпата прелијте шеќер и измешајте додека не добие темно кафеава боја. Карамелизираниот шеќер истурете го на рамен метален плех и почекајте да се излади. Кога ќе се стврдне, исечкајте го со чекан за месо. Изматете го шлагот од ванила и премачкајте го колачот. Одозгора посипете со сецкан карамел шеќер.
Пријатно!
