Мириса на среќа и детство. Подготвено на овој начин, дури и почетниците успеваат совршено да го направат! Брзо слатко задоволство.
Состојки:
-
- 1 литар млеко
- 6 јајца
- 6 лажици шеќер
- 200 гр бисквити.
Подготовка:
Одделете ги белките од жолчките. Прво изматете ги жолчките со шеќерот. Ставете 900 мл млеко да се загрее, и промешајте ги во преостанатите 100 мл. На дното на садот во кој ќе послужите наредете ги бисквитите.
Потоа изматете ги белките во цврст снег додека млекото се загрева (се се прави брзо и едно по друго). Кога млекото ќе зоврие, намалете го огнот малку и со лажица вадете ги „ноклиците“ т.е земете со лажица од белките и ставете во зовриено млеко. Свртете ги да се „зготват“ од другата страна (до 30 секунди од секоја страна) и извадете ги и наредете ги врз бисквитите во садот.
Кога ќе ги потрошите сите белки, измешајте ги жолчките измешани со шеќер и додајте ги во топлото млеко и варете неколку минути додека не се згусне, како пудинг.
Истурете ја топлата крема преку ноклиците во садот, а одозгора посипете ги преостанатите скршени или мелени бисквити. Ако сакате, можете да изрендате и млечно чоколадо одозгора. Ова е по желба и малку изменет рецепт, додека во минатото шненоклето го подготвувале од само белка, жолчка и млеко.
Уживајте во совршениот десерт!
