Името на оваа чорба потекнува од персискиот збор shikambeh (стомак) и shorba (густа супа). А на Балканот е пренесена за време на Отоманската Империја.
Денес се помалку домаќинства подготвуваат шкембе чорба, поради долгото време на подготовка и миризбата. Но за оние кои ја обожаваат оваа чорба, еве еден преубав стар рецепт:
Состојки:
- 1,5 кг шкембе
- 150 гр. вино
- 4-5 моркови
- 1 сува лута пиперка
- 2 компири
- 1 телешка коска
- 1 лажица брашно
- 1 лажица црвен пипер
- 1 лажица зачинска сол (Вегета)
- 2-3 чешниња лук
- оцет по вкус
- црн бибер
- 1 ловоров лист
- сол по вкус
- масло
ВАЖНО: Шкембето најпрвин се чисти од внатрешниот дел. Потоа се потопува во врела вода околу 3-4 минути, па со лажица се гребе од внатре.
Откако ќе се исчисти, се вари. Шкембето мора да се вари долго, над 4 часа, затоа што може да остане тврдо и нема да може да се џвака.
Начин на приготвување:
Исчистете го убаво шкембето, измијте го и ставете да се вари во солена вода. Кога ќе зоврие водата, фрлете ја. Измијте го шкембето и исечете го на пoситни парчиња, на коцки. Ставете го во тенџере и пропржете на малку масло, додадете чиста вода и оставете да се вари.
Заедно со шкембето додадете во тенџерето вино, ловоров лист, лук, сува пиперка, моркови и компири. Варете ги заедно се додека компирите и морковите да омекнат.
Откако ќе се сварат отстранете го ловоровиот лист и сувата пиперка, а морковите и компиирте извадете ги одделно.
Морковите и компирите испасирајте ги во блендер и потоа вратете ги назад во тенџерето. Кога повторно ќе зоврие водата, оставете да се вари и да крчка.
Телешката коска ставете ја посебно да се вари околу 1 час. Откако ќе се свари, коската се отстранува, останува само течноста. Ваквата течност се прецедува и се соединува заедно со шкембето. Се остава се зедно да проврие.
На крај подгответе ја запршката. Ставете малку масло да се загрее, додадете 1 лажица брашно и пропржете го да добие убава кремаста структура,а потоа додадете 1 кафена лажица црвен пипер.
Кога ќе ја направите запршката, додајте ја во тенџерето и налејте гo шкембетo сo неа. Доварете ја чорбата уште десетина минути и додадете го црниот бибер и сол по ваш вкус. Промешајте и гответе 1-2 минути.
Чорбата се сервира со сос од истолчен лук со оцет. Истолчете 1 чешне бел лук и промешајте го со исечкан магдонос, малку вода и оцет.
Пријатен апетит!