Рецептот за Ширли темпл торта, на кој тешко може да се одолее, ќе ги воодушеви сите љубители на слатки.
Ширли Темпл е вкусна чоколадна торта именувана по познатата актерка. Затоа, не е ни чудо што таа е толку неодолива. Љубителите на чоколадни задоволства ќе бидат особено воодушевени, додека ова задоволство е идеален избор за големи и важни прослави.
Состојки:
Кори:
- 7 јајца
- 140 гр шеќер
- 100 гр чоколадо за готвење
- 140 гр мелени, печени лешници
Фил:
- 4 јајца
- 160 гр шеќер
- 150 гр чоколадо за готвење
- 200 гр маргарин
Подготовка:
За да ја направите кората, изматете ги жолчките од јајцата со шеќерот до пенеста смеса, а потоа додадете го растопеното чоколадо. Сè убаво измешајте, а потоа додадете ги мелените лешници.
Изматете ги белките додека не се стегнат, па постепено додајте ги во претходната смеса, мешајќи со дрвена лажица. Оваа смеса поделете ја на три дела и печете во плех со хартија за печење на 180 степени околу 15 минути.
За да го подготвите филот, со миксер изматете ги сите јајца со шеќер додека не станат пенести. Потоа додадете го чоколадото и варете со често рачно мешање околу десет минути. Се лади смесата и се става во фрижидер. Маргаринот се мати додека не стане пенест, а потоа се додава филот постојано матејќи.
Нардете ја тортата така што ќе ставите кора, фил, кора фил… и така се до потрошување на состојките. Однадвор тортата украсете ја по желба, можете со шлаг пена.
Пријатно!
