Шекерпаре е еден од најпопуларните десерти во турската кујна, исто така многу популарен во Македонија. Тие се меки топчиња, украсени со бадем или лешник во средина и потоа потопени во шеќерен сируп со лимон.
Состојки:
- 1 јајце
- 1 чаша брашно
- 1 чаша гриз
- 1/2 чаша масло
- 1/4 чаша млеко
- 1/4 свеж квасец 10 g
- прстофат прашок за пециво
- 1 кесичка ванилин шеќер
- лешници по потреба
За шербет:
- 250 мл вода
- 250 гр шеќер
- сок од 1 лимон
Подготовка:
Јајцето изматете го со миксер, па додадете ги останатите состојки и измешајте. На крајот, замесете го тестото со рака. Земете малку тесто, направете мала топка, а потоа притиснете ја со дланката и ставете ја на плехот за печење.
Повторете ја постапката додека не заврши целото тесто. Ставете лешник на средина од секоја од нив.
Оставете така да отсои 30 минути, а потоа ставете да се печат на 180 C степени околу 30 минути или повеќе, додека да добијат убава боја и малку да се стврднат.
Додека колачињата се печат, подгответе го шербетот со врела вода и шеќер да повријат 10 минути. Кога е готово, оставете да се излади, и додадете го сокот од лимон.
Откако ќе се испечат колачињата, полијте ги со изладен сируп и оставете да киснат. Тие многу брзо ќе го впијат сирупот и ќе бидат подготвени за јадење.
Уживајте!
