Иако на прв поглед изгледа комплицирано,за оваа торта вреди да се потрудите!
Состојки:
- 100 гр бадеми на листови
- 200 гр мелени бадеми
- 4 јајца
- 220 гр шеќер
- 100 мл слатка павлака
- 250 гр путер
Подготовка:
Загрејте ја рерната на 180 степени. На хартија за печење ставете 100 гр листови од бадем и пржете во рерна малку – до златно кафеава боја.
Фил: Одделете ги жолчките од белките. Во тавче се ставаат жолчките со 80 гр шеќер и 100 мл слатка павлака и се загреваат на тивок оган со постојано мешање со жица додека не почне да се згуснува. Внимавајте да не зоврие!
Кога кремот ќе се згусне, изладете го така што ќе го ставите садот со фил во поголем сад кој претходно сте го наполниле со ладна вода. Мешајте постојано со жица додека филот не се излади. Изматете го путерот со миксер во сега изладениот крем. Ставете го филот во фрижидер.
Белките изматете ги цврсто и додадете 120 гр шеќер. Полека измешајте 200 гр мелени бадеми. На плехот ставете хартија за печење и од тестото формирајте правоаголник. Се пече на 180 степени не подолго од 15 минути. Излупете ја кората и оставете ја да се излади. Исечете ја кората на два дела.
Едната кора премачкајте ја со третина од филот, ставете друга кора и премачкајте ја целата торта со остатокот од филот. Одозгора посипете ги сите пожолтени листови бадем.
Пријатно!