Сочно и кремасто. Тоа е многу едноставна торта, која брзо се прави.
Состојки:
Кора:
- 6 јајца
- 200 гр шеќер
- 60 г омекнат путер
- 1 лажичка екстракт од ванила или ванилин шеќер
- 150 гр брашно
- 40 гр какао
- 2 лажички прашок за пециво
Фил:
- 400 гр цреши
- 250 мл сок од цреша
- 5 лажици шеќер
- 2 лажици густин
- 5 лажици вода
- 750 мл слатка павлака
- 150 мл сок од цреша (за премачкување на корите)
- 50 гр цреши
За декорација:
- цреши, чоколадо и слично
Подготовка:
Измешајте брашно со какао и прашок за пециво и просејте низ сито или цедилка, а потоа оставете го настрана. Јајцата убаво изматете ги со шеќерот (додека не побелат), потоа додадете омекнат путер и ванила и продолжете да матите. Додадете го просеаното брашно и мешајте со шпатула или миксер со најмала брзина додека не се добие мазна смеса. Пренесете ја смесата во калап со дијаметар од 25 см обложен со хартија за печење. Печете во загреана рерна на 170 степени за еден час.
Ставете 250 мл сок од цреша, шеќер и цреши во мало тенџере и загревајте додека не зовријат. Одделно изматете го густинот со ладна вода. Кога сокот ќе зоврие, ставете го густинот и мешајте цело време додека не се згусне полнењето. Оставете малку да се излади.
Испечената кора исечете ја хоризонтално на три дела. Секоја кора премачкајте ја со сок од цреша (150мл). Двете пониски кори премачкајте ги со уште топол варен фил од цреши, но не и третата што ќе оди на врвот на тортата.
Изматете ја слатката павлака во цврст шлаг. Прво премачкајте една кора преку филот од цреша, ставете ја втората кора, па повторно премачкајте фил од цреша па слатка павлака и на крај ставете ја третата кора. Премачкајте ја тортата со шлаг одозгора и од страничните рабови. Украсете по желба со чоколадо, цреши и слично.
Уживајте!
