Летото се приближува кон крајот, што значи дека е време да се подготвиме за зимата.
Во зима, имаме помалку овошје и зеленчук на располагање, а витамини и минерали ни се потребни во тој период дури и повеќе отколку во лето. Најдобар начин да ги зачувате е да направите зимска салата. Ви носиме рецепт за шарена зимска салата, убава и привлечна за очи, но и многу вкусна.
Состојки:
- 1 кг краставици
- 1 кг моркови
- 1/2 кг зелени домати
- 1/2 кг зелени пиперки
- 1 кг карфиол
- 1 кг зелка
Пресол:
- 750 мл алкохолен оцет
- 250 гр шеќер
- 150 гр сол
- 250 мл вода
- 1/2 литар масло
- 1 кесичка бибер во зрна
Подготовка:
Измијте го целиот зеленчук и исечете го на прстени, а зелката на тенки листови. Бланширајте го морковот малку (околу 5 минути), изладете го и исечете го на кругови.
Во шерпата ставете вода, оцет, шеќер, сол, масло и бибер и варете на тивок оган додека не зоврие. Кога ќе зоврие, истурете врз зеленчукот што веќе сте го ставиле во теглите.
Салатата е подготвена за употреба следниот ден.
Пријатно!