Салата од пилешко е одличен предлог за брз и вкусен ручек кој ќе им се допадне на сите.
Доколку сакате лесен ручек тогаш ви предлагаме да направите салата од пилешко. Брзо и лесно се подготвува, не бара кулинарски вештини и е многу вкусно. Пропржете го белото месо кое претходно накратко го мариниравте и измешајте го со зеленчук и одлична пилешка салата е подготвена за јадење. Оваа салата ќе ја разубави секоја празнична маса.
Состојки:
- 1 пиперка
- 3-4 домати
- 1 виолетова главица кромид
- грст магдонос
- 400 гр пилешко филе
- 1 конзерва црвен грав
- 2 лажици соја сос
- сок од 1/2 лимон
- 3 лажици масло
Подготовка:
Исечете ги доматите, пиперките и кромидот, па измешајте ги во сад. Месото исечкајте го на коцки и прелијте го со соја сос. Добро измешајте и оставете да се маринира околу 10-15 минути, па пропржете го во тава на малку масло.
Извадете го пилешкото од тавата и ставете го на хартиена крпа малку да се исцеди. Во салатата додадете ги сечканиот магдонос, месото, исцедениот грав и прелијте со сокот од лимон и маслото, па добро измешајте.
Пријатно!
