Има ли поевтина и повкусна торта од шампита? Сигурни сме дека нема, особено не ако го направите овој деликатес според оригиналниот рецепт.
Состојки:
Кора:
- 8 жолчки
- 8 лажици шеќер
- 8 лажици масло
- 8 супени лажици млеко
- 8 лажици брашно
- 1/4 кесичка прашок за пециво
Фил:
- 12 белки
- 1 прстофат сол
- 10 лажици шеќер
- агда (шербет): измешајте и зовријте 500 гр шеќер со 200 мл вода
Подготовка:
Изматете ги жолчките со шеќерот и маслото. Додадете малку млеко, па брашно и прашок за пециво. Кога ќе ги изматите состојките до пенеста маса, префрлете во плех и печете 13 минути на 170°C.
Потоа направете агда односно шербет од шеќер и вода. Оваа постапка го прави шамот единствен и поубав, нешто што многумина не го знаат. Потоа направете го шамот така што прво убаво изматете ги белките со шеќер и малку сол, а потоа сипете ја агдата постепено додека го матите шамот непрекинато.
Убаво изматете и кога е готово ова прелијте го врз бисквитот. Можете да го засушите во рерна на 100 степени целзиусови, кратко време. Потоа оставете во фрижидер да се излади па исечете и послужете!
Пријатно!
