Совршен колач за неделно попладне и шолја јако кафе.
Состојки:
Кора:
- 150 гр маст или путер
- 100 гр шеќер
- 10гр ванилин шеќер
- 4 жолчки
- 4 лажици млеко
- 350 гр брашно
- 10 гр прашок за пециво
- сок и кора од 1 лимон
Фил:
- 4 белки
- 150 гр шеќер
- 3 лажици џем од кајсија
- 100 гр сецкани ореви
- 100гр мелени ореви
- шеќер во прав за посипување
Подготовка:
Подмачкајте плех со димензии 35 x 20 цм со масло и посипете го со брашно. Изматете ги маста или путерот на собна температура со шеќер, ванилин шеќер и жолчки.
Потоа додадете брашно измешано со прашок за пециво, млеко, сок и рендана кора од лимон. Месете мазно тесто. Поделете го замесеното тесто на два дела, поголем и помал дел. Поголемиот дел од тестото покријте го со фолија и ставете го во фрижидер 30 минути. Малиот дел покријте го со фолија и ставете го во замрзнувач.
Загрејте ја рерната на 200С. Отстоеното тесто поголемиот дел растегнете го со сукало на набрашнета површина со големина на сад за печење, а потоа лесно префрлете го во плехот за печење. Избоцкајте го со вилушка на неколку места и ставете го во загреана рерна да се пече околу 10 минути.
Изматете ги белките во снег, а потоа со додавање на шеќер изматете во цврст шам. Додадете џем во смесата, лесно промешајте, па додадете исецкани и мелени ореви. Измешајте се со шпатула и добро комбинирајте.
Истурете ја масата над испечената кора, израмнете ја, а потоа изрендајте го одозгора тестото што беше во замрзнувачот. Вратете се во рерна и печете уште 20 минути.
Изладете ја тортата пред да ја исечете. Посипете со шеќер во прав пред сервирање.
Уживајте!
