Необична супа со ќофтиња и зеленчук ќе ве освои уште при првиот залак.
Домашната супа со тестенини или кнедли се прави со пилешко, говедско или телешко месо. Заменете го ова месо со мелено месо и додадете ќофтиња во супата. Често се случува меленото месо да биде тврдо и суво, а за да ви бидат сочни ќофтињата, задолжително маринирајте ги во пиво. Во меленото месо додајте сечкан кромид, и пиво, па ставете во кесичка. Пожелно е да ги чувате во маринадата, во фрижидер 1 ден, а доколку немате време можете и пократко.
Состојки:
- 400 гр мелено месо
- 2 главици кромид
- 60 гр презла
- 100 гр брашно
- 3 моркови
- 1 целер
- 1/2 пиперка
- 1 компир
- 60 гр тестенини
- сол
- 200 мл пиво
Повеќе:
- 1 јајце
- 50 мл павлака за готвење
Подготовка:
Морковот ситно се сечка и се пржи на масло. Додадете ситно сечкан кромид, пиперка и целер и покријте. Оставете го зеленчукот да врие околу 7 минути, а потоа додадете 1,5 литри вода. Кога ќе зоврие додадете компири исечкани на коцки.
На меленото месо по желба додајте го сечканиот кромид, презлата и зачините и маринирајте го во пиво. Оставете да отстои 1 ден, а доколку немате време оставете го еден час. Направете мали топчиња и извалкајте во брашно, па додајте ги во супата. Гответе 10 минути на тивок оган.
Потоа додадете ги тестенините и оставете ги на тивок оган уште 12 минути. Готовата супа тргнете ја од оган, па додадете го сечканиот магдонос. Јајцето изматете го со павлаката, па прелијте и промешајте.
Пријатно!