Пробајте ги превкусните мафини со чоколада и портокал, ќе ви станат омилен десерт!
Состојки:
Мафини:
- 120 мл (1/2 чаша) млеко
- 120 мл (1/2 чаша) јогурт
- 1 портокал – рендана кора и исцеден сок
- 200 гр – (1 чаша) брашно
- 1 лажиче прашок за пециво
- 1/2 лажиче сода бикарбона
- 1/4 чаша какао прав
- 1/2 чаша шеќер
Фил:
- 3/4 шолја (190 гр) путер
- 1 + 1/2 чаши (180 гр) прав шеќер
- 1/4 чаша (20 гр) какао прав
- рендана кора од портокал
Подготовка:
Загрејте ја рерната на 180 степени и спремајте подмачкан калап за мафини со 12 мафини. Ставете го млекото, јогуртот и сокот од портокал и кора од лимон во сад и изматете ги заедно. Во голем сад просејте го брашното, прашокот за пециво, сода бикарбоната и какаото во прав. Во оваа смеса додадете и прав шеќер.
Сега во садот со влажни состојки, додадете ги сувите состојки, користете гумена шпатула и мешајте се заедно. Рамномерно распределете го тестото во калапот за мафини – наполнете го калапот околу 2/3, па печете 25 минути. Пробајте дали ви е испечено тестото со чачкалица. Оставете ги да се изладат во плехот 10 минути, а потоа извадете ги на решетка за целосно да се изладат.
Додека се ладат, подгответе го филот кој ќе го ставите на мафините. Филот можете да го изматите или со миксер или рачно. Путерот треба да биде омекнат за да може да се мати убаво. Додадете ги сите состојки за филот и убаво изматете.
Кога мафините убаво ќе се изладат, ставете го филот врз нив, користете шприц за декорација. Одозгора украсете со рендано чоколадо, чоколадни топчиња, или светкави декорации. Во филот можете да боцнете парче кандиран портокал.
Добар апетит!
