Чоколадната торта е омиленото задоволство на многумина. Затоа, на сите љубители на чоколадните десерти, ви предлагаме да ја пробате и оваа варијанта.
Состојки:
- 2 јајца
- 150 гр шеќер
- 100 мл масло
- 200 мл млеко
- 250 гр брашно
- 60 гр какао
- 1 кесичка прашок за пециво
- 1 лажичка сок од лимон + половина лажичка сода бикарбона
Фил:
- 250 гр кондензирано млеко
- 170 гр путер
- 100 гр темно чоколадо
- 60 гр слатка павлака
Подготовка:
Изматете ги јајцата со шеќерот пенесто. Додадете млеко и масло и уште малку измешајте. Измешајте го брашното со прашокот за пециво и какаото и додадете го во претходната смеса. Промешајте со жица да не останат грутчиња.
Измешајте сода и сок од лимон и додајте ги во смесата. Истурете во калап и печете половина час на 180 степени. Кога ќе биде готов, пресечете го на половина по ширина и извадете ги испакнатите делови за да добиете 2 еднакви квадрати.
За филот изматете го кондензираното млеко со омекнат путер. Премачкајте ја едната кора, па преклопете со другата и премачкајте ги рабовите на кората со остатокот од филот. Растопете го чоколадото со павлаката и прелијте го колачот. Ставете го во фрижидер 1 час да се олади и послужете.
Пријатно!
