Да не ве залажува името, овој десерт не е леб, туку многу убав колач. Овој рецепт е лесен за подготовка, потребни му се малку повеќе состојки, но неговиот вкус е исклучителен.
Состојки:
- 3 зрели банани
- лажичка сол
- јајце
- вреќа ванилин шеќер
- половина лажичка сода бикарбона
- лажичка кокосово брашно
- 100 гр чоколадо (за колачи)
- 100 гр какао
- 100 гр стопен путер
- 100 гр шеќер
- 250 гр фино брашно (за колачи)
Подготовка:
Измешајте 3 банани во блендер или рачно. Вклучете ја рерната и оставете ја да се загрее до 180 степени.
Се топи путерот и се додаваат бананите кои ги ставате во поголем сад. Во оваа мешавина додадете шеќер и сол. Добро промешајте за да се комбинира се убаво. Додадете ванилин шеќер и јајце и измешајте се повторно.
Во друг сад ставете брашно, какао, сода бикарбона и кокосово брашно. Измешајте ги овие две смеси и додадете ги парчињата чоколадо внатре и промешајте повторно.
Кога се ќе се измеша убаво заедно, префрлете го во плех за печење. Најдобро е да ставите хартија за печење во калап или огноотпорен сад. Печете 1 час на температура од 180 степени.
Ќе знаете дека лебот е подготвен кога малку ќе напукне на површината. Потоа извадете го, почекајте 10-тина минути да се излади и може да го сервирате.
Можете да го спремате на децата како ужинка со џем или крем.
Уживајте!