Често се служи за појадок, но може да се јаде во текот на денот.
Се прави од едноставно тесто кое содржи брашно и вода, пржено во длабоко масло, обично долгнавесто во форма, крцкаво и меко внатре, попрскано со шеќер и цимет по пржењето, а потоа потопено во чоколаден прелив. Ова е типична закуска која можете да ја најдете во секој агол на Шпанија!
Состојки:
- 250 мл вода
- 150 гр брашно
- 3 јајца
- коцка путер
- шеќер, шеќер во прав, цимет
Подготовка:
Во тенџере сипете вода, додадете путер, па кога ќе зоврие додадете брашно и измешајте со жица. Кога малку ќе се олади се додава по едно јајце, се меша тестото да биде мазно без грутки – пенесто.
Во друго тенџере сипете масло да се загрее. Ставете го тестото во шприц кој ќе има потесен отвор за истиснување, истиснувајте го тестото во маслото со големина од околу 10-15 сантиметри и пржете додека не порумени.
Во сад на страна истурете малку шеќер измешан со шеќер во прав и додадете цимет. Истурете ги чиросите во шеќерот, извалкајте ги и послужете ги топли.
Пријатно!