Од 3 различни рецепти, за тирамису, чизкејк и брауни, добивате фантастична торта која нема да можете да престанете да ја јадете.
Целиот напор и чекање вреди откако ќе ги пробате овие колачиња. Можете да ги послужите на забава, ќе бидат полн погодок и први ќе ги грабнат. Подготовката можеби ви изгледа комплицирана, но навистина е лесно да се направи. Кога ќе се испече кората се филува со лешници и крем сирење, се пече уште еднаш и се остава во фрижидер преку ноќ. Нема да пробате подобро, особено што 3-те најпознати се комбинираат во една торта – тирамису, чизкејк и брауни.
Состојки:
За кората:
- 250 гр несолен путер, собна температура
- 250 гр темно чоколадо
- 4 јајца
- 280 гр кафеав шеќер
- 1 лажичка инстант кафе
- 120 гр брашно
- 30 гр какао во прав
- прстофат сол
- 150 гр парчиња чоколада + 1 лажица брашно
За средината:
- 200 гр сечкани ореви или лешници
- 450 гр кондензирано млеко
- ½ лажичка сол
За полнење со сирење:
- 300 гр крем сирење
- 100 гр шеќер
- 2 јајца
- 1 лажичка екстракт од бадем
- рендана кора 1 портокал
- 1 лажица обично брашно
- какао во прав, за посипување
Подготовка:
Калапот обложете го со хартија за печење за да се излепи. Премачкајте со малку путер. Растопете го чоколадото со путерот и изматете го шеќерот со јајцата и кафето. Помешајте една лажичка кафе со 2 лажички вода и кога ќе се олади додадете ја во јајцата.
Кога чоколадото ќе се олади, измешајте ги двете смеси, па изматете уште малку. Потоа додадете просеано брашно, какао и сол и измешајте додека не добиете сјајна смеса. Брашното и парчињата чоколада измешајте ги и додадете го во смесата. Промешајте и истурете во калап. Се пече во загреана рерна на 180 ° C околу 25 минути.
Кратко пропржете сечкани лешници или јаткасти плодови. Се меша со варено кондензирано млеко и малку сол. Кога кората ќе се испече и излади, прелијте ја со добиената смеса и ставете во замрзнувач половина час.
Измешајте крем сирење, шеќер, јајце, екстракт од бадем, кора од портокал и брашно. Нанесете рамномерен слој врз слојот од лешник и печете во загреана рерна на 170 ° C околу 30 минути. Оставете да се излади, а потоа ставете го во фрижидер преку ноќ. Посипете со какао во прав.
Пријатно!