Еве како да направите чебурек, пециво што само по име наликува на бурек.
Чебурек, ќебурек или чебуреки, како што се нарекува, е вид на брза храна, лепчиња што личат на панцерота или калцоне, но не се, тестото е без квасец, се прави само од брашно и вода, а вкусот е фантастичен. Сè уште се расправа за нивното потекло, а некои тврдат дека се од Русија, а други од Турција. Најчесто се полнети со мелено месо.
Иако многумина би помислиле дека поради името се работи за варијација на темата бурек, чебурекот и бурекот всушност се слични само по име. За разлика од бурекот, чебурекот се пржи во тава, а одлични се и ладни.
Состојки:
- 500 гр мелено месо
- 500 гр брашно
- 2 главици кромид
- 250 мл вода
- 2 лажици масло
- сол, бибер
Подготовка:
Во подлабок сад истурете го брашното, додадете вода, масло и малку сол и добро замесете тесто. По пет минути мешање, покријте го тестото со крпа и оставете го да отстои половина час.
За тоа време исчистете го кромидот, ситно исечкајте го, па измешајте го со месото, зачинете се и убаво измешајте. Поделете го тестото на 12 еднакви делови и секој обликувајте го во топка. Секоја истегнете ја со сукало, а ако сте вешти можете да ги користите и прстите.
Во средината се става филот, па се свиткува и се притискаат краевите од тестото со вилушка за да се затворат рабовите. Повторете ја постапката додека не се потроши целиот материјал.
Во тавата сипете го маслото, а кога ќе се загрее спуштете ги чебуреките и пржете ги додека не поруменат. Кога ќе бидат готови, наредете ги на хартиена крпа за да се исцеди вишокот масло.
Пријатно!
