Прочитајте подолу за подготовка, начин на консумирање и придобивки од чајот од мајоран.
Состојки и подготовка:
- 300 мл вода
- 2 лажички сушен ситен мајоран
Се вари водата до зовривање а потоа се става количината на чај. Малку почекајте за да отстои чајот во водата а потоа може да се консумира.
Придобивки:
За да се подобри функционирањето на дигестивниот систем, мора да се испие 2-4 шолји чај од мајоран во рок од 2 часа. Пиењето чај од мајоран помага при следните симптоми:
- Зголемување на ефикасноста на варењето
- Смирување на желудникот и дигестивниот систем
- Подобрување на апетитот
- Против гадење
- Отстранување на надуеност
- Третман или превенција на основните цревни инфекции
- Ги смирува болните грчеви во стомакот
- Против дијареа
- Против затвор
Чај од мајоран за бебиња:
Бебињата обично доживуваат состојби како што се кашлица и настинка, грип и инфекции на увото. Тие обично се изложени на висок ризик за инфекции бидејќи нивниот имунолошки систем сè уште не е целосно развиен. Чајот од мајоран долго време се користи за лекување на кашлица, грип, настинка и други инфекции кај бебињата. Бидејќи е во течна форма, мајоранот за бебиња може да се нанесе преку шише за хранење.
Поради позитивните ефекти врз дигестивниот систем, мајоранот за бебиња може да се користи и при грчеви и проблеми со дигестивниот систем кај бебињата.
За грчеви кај бебиња: во 100 мл зовриена вода се става половина лажичка мајоран во прав. Се остава да отстои околу 10 минути, па се цеди и се дава на бебето по една лажичка, по 2-3 лажички неколку пати на ден.
Важно: Пред употреба да се консултирате со вашиот педијатар пред да додадете чај од мајоран во исхраната на вашето бебе.
Исто така мајоранот ги ублажува менструалните проблеми и го намалува воспалението. Мајоранот е ароматично лековито растение кое се користи во медицината првенствено за подобрување на варењето и намалување на менструалните проблеми. Тоа е важна состојка во медитеранската кујна и еден од омилените зачини што влегуваат во супи, салати и јадења со месо. Слично е на ориганото, но има малку поблаг вкус. Се користи и сушено и свежо.
Можни несакани ефекти и кој не треба да го консумира
Бремените или доилките треба да избегнуваат мајоран во која било форма. Поради силното влијание на различните репродуктивни хормони и менструацијата, ова растение може да предизвика негативни несакани ефекти за време на бременоста. Исто така, некои состојки од него може да предизвикаат проблеми со згрутчувањето на крвта.
