Направете мека и миризлива цветна погача по рецепт кој одговара за секого.
Нема ништо поубаво од тоа кога низ куќата се шири мирисот на домашен леб. Ако имате малку време, прескокнете го купувањето леб во продавница и сами измесете ја меката цветна погача.
Крцкава и воздушна внатрешност, посипана со разни семки, дефинитивно ќе ве воодушеви уште при првиот залак. Се прави брзо и лесно, а единствена мана е тоа што се јаде за еден час, бидејќи е тешко да се одолее.
Состојки:
- 350 мл топло млеко
- 600 гр брашно
- 30 гр квасец
- 50 мл масло
- 1 лажичка шеќер
- 1 кесичка прашок за пециво
- 1 јајце за премачкување
- 1 лажичка сол
- семки за посипување (сончоглед, лен, сусам)
Подготовка:
Издробете го квасецот, измешајте го со шеќерот и половина од топлото млеко, па оставете го да се активира околу 10 минути. За тоа време измешајте го брашното со прашокот за пециво и солта, па додајте го маслото и преостанатото млеко, а потоа и квасецот.
Замесете мазно тесто. Покријте со чиста крпа и оставете го да се удвои во големина, околу еден час. После тоа повторно замесете тесто, па поделете го на 12 дела. Формирајте помали лепчиња, па наредете ги во кружен плех.
Изматете го јајцето, па премачкајте го секое топче и посипете ги со семки. Загрејте ја рерната на 180 степени и печете околу 40 минути.
Пријатно!